Ribadeo de Tapeo 2023

Aperitivo formado de pé crocante de pan de leite recheo de brandada de nécora e mexillón coa súa salva en salsa picante.

Para o barquillo: Pan de leite (glute, lácteo) 1 ovo batido.
Para a brandada: 50 ml de aove,50 gr de fariña (glute), 1 cenoria, 1 porro, 1/2 l salsa nécora (pescado, crustáceos).
Para o mollo picante : 50ml de AOVE, 1 cebola,1 dente de allo, 150 ml de salsa de tomate, 1 chile, 1 culler de pemento de la Vera, 1 vaso de viño albariño (sulfitos).
Para os barquillos cortamos o pan en rebandas, estirámolas co rolete, pintamos con ovo, dámoslle forma de barquillo cilíndrico e enfornamos a 160 graos durante 8 minutos. Retiramos e reservamos. Para a brandada quentamos o aceite lixeiramente, douramos as verduras, engadimos a fariña e incorporamos a salsa do marisco a poucos ata conseguir a textura da brandada.
Para o mollo picante poñemos o aceite a temperar e vamos incorporando o resto dos ingredientes a poucos deixando para o final o viño branco, engadimos os mexillóns e deixamos cocer 2 minutos.

Mañá 13.00 a 15.00h
Tarde 20.00 a 23.00h

• Tapa Ribadeo: Non
• Celíacos: Non
• Vexetarianos: Non