Información del concurso
En Ribadeo de Tapeo non nos conformamos con degustar un petisco, buscamos a forma de crear unha experiencia total para recoñecer a gastronomía local como patrimonio cultural.
O turismo gastronómico é unha experiencia turística na que un aprende, aprecia e consome comida e bebida que reflicte a cociña, a herdanza e a cultura local.
Para os ribadenses, este concepto é particularmente interesante, pois gústanos diferenciarnos dunha sociedade que parece cada día máis global, onde sempre se consomen os mesmos produtos.
Para nós, a gastronomía é cultura, tradición, historia, así como un reflexo da nosa verdadeira identidade local que nos une a todos e todas a través dun feito universal: comer e beber.
Xa sexa reproducindo pratos tradicionais ou levando a cabo novas creacións, a cociña é unha obra de arte que atopou nas barras dos bares e as salas dos restaurantes un escenario onde expresarse.
O turista gastronómico non só se interesa polos alimentos que goza -que deben ser de orixe local, por suposto-, senón que quere saber máis acerca da súa historia, dos seus procesos de elaboración e da forma coa que se presentan na súa mesa. Este turista non só consome un produto, consome unha historia, todo un universo de sensacións para botar a imaxinación a voar e gozar, só ou acompañado.
Ribadeo de Tapeo debe servir como unha marabillosa oportunidade para que a nosa vila e os seus actores poidan interactuar directamente cos visitantes, chegando dende o seu padal ao seu corazón. Unha experiencia cento por cento vivencial que capturará os cinco sentidos.
Llévalo en tu móvil
Bases del concurso
Os nosos premios
Zona 1.- A Larpeira
Percorre 5 establecementos da ZONA 1 e consegue polo menos 5 selos e participa no sorteo de:
- Unha cea para dúas persoas no Restaurante Costa Verde por cortesía deste establecemento.
- Unha cea para dúas persoas en Lolo´ka Cocina Viajera por cortesía deste establecemento.
- Unha Comida/cea de arroz caldoso con lumbrigante para dúas persoas en A Tapería por cortesía deste establecemento.
- Un “Menú Parador” para dúas persoas no Parador de Ribadeo por cortesía deste establecemento.
Zona 2.- A Lambareteira
Percorre 5 establecementos da ZONA 2 e consegue polo menos 5 selos e participa no sorteo de:
- Unha cea para dúas persoas en O Alén por cortesía deste establecemento.
- Unha cea para dúas persoas en La Solana Ribadeo por cortesía deste establecemento.
- Unha comida ou cea de arroz caldoso para dúas persoas en La Quinta Ribadeo por cortesía deste establecemento.
- Unha cea para dúas persoas no establecemento Restaurante Náutico por cortesía de Turisgalicia.
Zona 3.- A Comellona
Percorre 5 establecementos da ZONA 3 e consegue polo menos 5 selos e participa no sorteo de:
- Un menú degustación a determinar polo establecemento para dúas persoas en Vinoteca Fumarel por cortesía deste establecemento.
- Unha comida ou cea de paella de marisco para dúas persoas en Restaurante La Flor de Jose por cortesía deste establecemento.
- Unha cea para dúas persoas no Prohibido por cortesía deste establecemento.
- Unha cea para dúas persoas no Bar Queimada por cortesía deste establecemento.
Zona 4.- A Lambisqueira
Percorre 5 dos establecementos da ZONA 4 e consegue polo menos 5 selos e participa no sorteo de:
- Unha cea para dúas persoas no Araucaria Gastronómico por cortesía deste establecemento.
- Un picoteo para dúas persoas en O Indiano por cortesía deste establecemento
- Unha cea para dúas persoas en El Rincón do Gordo por cortesía deste establecemento.
- Unha comida ou cea para dúas persoas por valor de 50 € no Hotel Restaurante Voar por cortesía deste establecemento.